cancel

eKantipur - फोहोरबाट मोहर

रसुवाका टसी तामाङ छ वर्षदेखि नुवाकोटको ओखरपौवास्थित सिसडोल डम्पिङ साइडबाट कवाडी संकलन गर्दै आएका छन् । काठमाडौंबाट ल्याएको फोहोरमा रहेका प्लास्टिक, फलाम र अन्य चीज छुट्याएर उनले दैनिक एक हजार रुपैयाँ कमाउँछन् । सामान्य लेखपढमात्र जान्ने तामाङ नामभन्दा पनि काम ठूलो भएको बताउँछन् । 'देशमै बसेर काम गर्न कुनै समस्या छैन,' उनले भने । उनको मासिक आम्दानी कम्तीमा ३० हजार रुपैयाँ छ । दुई छोरा र दुई छोरीका बाबु उनी परिश्रम गरे आफ्नै मुलुकमा राम्रै पैसा कमाउन सकिने बताउँछन् । 'हेर्नुहोस्, मैले यही फोहोरमा मोहर फलाउँदै आएको छु । घरको व्यवस्था राम्रै छ । मन लागे काम गर्छुं, मन नलागे घर जान्छु,' उनले गर्वसाथ भने । कम कमाइ भएको दिन दुई सय रुपैयाँ हुने गरेको उनले बताए । वैदेशिक रोजगारका लागि खाडी मुलुक जान उनका साथीले उनलाई सुझाव दिएका थिए । 'छोराछोरी, श्रीमती छोडेर जानुपर्छ, त्यहाँ पनि जेनतेन पन्ध्र-बीस हजार रुपैयाँ कमाई हुन्छ, त्यतिका लागि म कतै पनि गएनँ,' उनले भने । दूधको बोतल प्रतिकेजी १०, गुडिया प्रतिकेजी १५, फलाम प्रतिकेजी २ सय ३०, कपडा तीन, मिनरल बोतल प्रतिकेजी २०, तामा प्रतिकेजी ५ सय र चप्पल-जुत्ता प्रतिकेजी १५ रुपैयाँमा बिक्री गरिन्छ । हप्तामा दुईपटक त्रिपुरेश्वरबाट कवाडी संकलन गर्न विभिन्न कम्पनीहरू सिसडोल आउँछन् ।

cancel

cancel

cancel

cancel

close

cancel

close

close