cancel

Naya Patrika - असार १९ बाट समायोजन

प्रधानमन्त्री डा. बाबुराम भट्टराईले माओवादी लडाकुको समायोजन १९ असारबाट सुरु गर्ने प्रतिबद्धता व्यक्त गरेका छन् । प्रधानमन्त्री डा. भट्टराई र लडाकु कमान्डरबीच समायोजन अघि बढाउने सहमति भएको छ । २८ चैतमा माओवादी लडाकु र हतियार नेपाली सेनाको जिम्मा लगाएपछि समायोजन प्रक्रिया जहाँको त्यहीँ अड्किएको छ । लडाकुका शिविरमा सेना जानुअघि २६ चैतमा सेना समायोजन विशेष समितिको बैठक बसेको थियो, त्यसयता बसेको छैन । तीन महिनादेखि सेनाको मातहतमा बसे पनि समायोजन नभएपछि शिविरका लडाकुमा असन्तुष्टि बढेको छ । तीन हजार एक सय २९ मध्ये आधाजति घरबिदामा छन् । लडाकु असन्तुष्ट भएको विषयमा छलफल गर्न ६ वटा डिभिजनका कमान्डर मंगलबार साँझ प्रधानमन्त्रीनिवास बालुवाटार पुगेका थिए । छलफलमा लडाकु प्रमुख नन्दकिशोर पुन पासाङ र पूर्वडेपुटी कमान्डर जनार्दन शर्मा प्रभाकर पनि थिए । बैठकमा लोकसेवा आयोगकी कार्यबाहक अध्यक्ष कयोदेवी यमी पनि थिइन् । दलहरूबीच भएको सहमतिअनुसार लडाकुलाई सेनाका लागि छान्ने जिम्मा लोकसेवाले पाएको छ ।

cancel

cancel

cancel

cancel

close

cancel

close

close