cancel

eKantipur - 'सर्त राखेर वार्ता हुँदैन'

प्रधानमन्त्री बाबुराम भट्टराईले राजीनामाको पूर्वसर्त राखेर वार्ता नहुने बताएका छन् । विपक्षी कांग्रेस-एमालेले सहमतिका लागि पहिले भट्टराई सरकारबाट हट्नुपर्ने सर्त बताइरहेकै बेला उनले पूर्वसर्त राख्नेले सहमति नचाहेको बताए । 'समझदारीमा पूर्वसर्त भन्ने कुरा हुँदैन । पूर्वसर्त राखेर वार्ता नै हुदैन । भए पनि समझदारी बन्दैन । जसले राजीनामाको पूर्वसर्त राखेका छन्, उनीहरूले सहमति चाहँदैनन् भन्ने कुराको पुष्टि गर्छ,' उनले बालुवाटारमा पत्रकारहरूसँग भने, 'म निःसर्त वार्तामा बसेर निर्वाचनलाई सफल पार्न आवश्यक संवैधानिक र कानुनी जटिलता फुकाउन आग्रह गर्छु ।' उनले दलहरूबीच समझदारी बनाएर अघि बढ्नुको विकल्प नभएको समेत बताए । 'देशको प्रमुख कार्यकारीको नाताले के स्पष्ट गर्न चाहन्छु भने प्रमुख राजनीतिक दलहरू जो संघीयता, लोकतान्त्रिक, अग्रगामी पक्षमा छन्,' उनको भनाइ थियो, 'उनीहरूले समझदारी बनाएर अगाडि बढ्नुको विकल्प छैन । त्यसका लागि म प्रयत्नरत छु ।'

cancel

cancel

cancel

cancel

close

cancel

close

close